Эмх замбараагүй газар олголт, үүнээс үүдсэн стандартын зөрчил иргэдийн бухимдлыг үүсгээд байгаа. Үүн дээр өнгөрсөн удаад гарсан гал түймэр, 60 тонн газ ачсан ачааны автомашин хот дотор дэлбэрсэн явдал хамгийн их айдас түгшүүрийг авчираад байна. Үүнтэй холбоотойгоор өнөөдрийн Засгийн газрын хуралдаанаар нийслэлийн газар олголттой холбоотой асуудлаар нээлттэй сонсгол явуулах асуудлыг хэлэлцжээ.

Хуралдаанаас ХЗДХ-ийн сайд Б.Энхбаярт нийслэлийн газар олголттой холбоотой асуудлаар нээлттэй нийтийн сонсгол явуулах, УИХ-д яаралтай хандаж бичиг гаргаж, сонсгол явуулах үүрэг чиглэлийг өгсөн байна. ХЗДХ-ийн сайд Б.Энхбаяр түр хороо байгуулах асуудлыг УИХ-ын даргад хүргүүлэх бөгөөд сонсголыг ээлжит бус чуулганаар яаралтай зохион байгуулах үүргийн Ерөнхий сайд өгчээ. Ээлжит бус чуулганыг ирэх хоёрдугаар сарын 5-нд товлосон.