УИХ-ын гишүүн Н.Номтойбаярыг огцруулах асуудлаарх нууц санал хураалтад 58 гишүүнээс 30 нь түдгэлзүүлэх, 28 нь авч үлдэх санал өгчээ. Өөрөөр хэлбэл олонх нь түүнийг түдгэлзүүлэх санал өгсөн ч тогтоолын төслөө батлахдаа гишүүдийн олонх нь дэмжээгүй байна. Ингэснээр нууц санал хураалт хүчингүй болжээ.

Энэ талаар Н.Номтойбаяр гишүүн: "Би аливаа нэгэн дарамт шахалтанд ороогүй. Миний эсрэг зохион байгуулалттай явуулж байгаа үйл ажилгаатай зохистой байдлаар тэмцэх болно. Намайг 2020 онд нэр дэвшүүлэхгүй нь тодорхой болсон. Намын хамгаалалт байхгүй бие даагч болчлоо. Тиймээс улс төрөөс түр холдох шаардлага гарлаа. Гэхдээ би улс төрөөс гарахгүй. Би одоо ороод чөлөөлөгдөх өргөдлөө өгнө. Би аливаа нэг зорьсон зүйлээсээ буцахгүй. Улс төрөөс гарахгүй. Нотлох баримтууд бүгд байгаа, цаг хугацаа бүгдийг харуулна" гэж мэдэгдлээ.